АЛБАНИЈА Млади репортери – ТрочЕдна од ургентните задачи на Албанија е да ги научи младите со основите на отворено и демократско општество со цел да имаат поголемо учество во развојот на земјата. Националната телевизија на Албанија и УНИЦЕФ започнаа со неделна телевизиска програма насловена „Троч“, една програма со вести што содржи репортажи и мислења на младите. Секоја недела „Троч“ им кажува на младите и постарите гледачи за значењето на дијалогот, на отворените истражувања, на дебатите и објективното собирање на фактите преку посредништво на телевизиските новинари. ХРВАТСКА Извештај за воениот криминал на полицијата и на армијатаРадиото „Слободна Европа“ од Прага, Чешка, објави дека Хелсиншкиот комитет за човекови права од Хрватска објави извештај во врска со воениот криминал што го вршеа хрватската полиција и војската, за време на војната која ја распарчи бившата СФРЈ – поточно, за време на “операциите” во Западна Славонија во 1995 година. БИХ И РЕПУБЛИКА СРПСКА Мост на толеранција преку СанаГодинава се одржуваат четвртите по ред „Денови на реката Сана“, проект започнат во 1999 година, финансиран од страна на ОБСЕ. Општините од Федерацијата БиХ и Република Српска ги здружија силите во организација на овој настан. Прв пат оваа година претставниците на општините Кључ, Сански Мост, Рибник, Српски Сански Мост, Приједор, Босански Нов/Нов Град го организира настанот со помош на неколку невладини организации. ЕВРОПСКА КОМИСИЈА Хуманитарна помош за бегалците во СрбијаЕвропската комисија ќе донира хуманитарна помош во вредност од еден милион евра за бегалците и раселените лица кои се наоѓаат во колективните центри во Србија, за да ги обезбедат потребните средства за прет­стојната зима. СРБИЈА Препораки од медиумите за медиумитеОсумнаесет медиуми, медиумски куќи и организации од Србија, неодамна го изготвија и публикуваа документот насловен „Медиумите во Србија“. Во него е сумиран статусот на медиумите, проблемите со кои се соочуваат, законската регулатива и други аспекти релевантни за темата.