|
ONLINE VERSION |
|
|
PRINT VERSION |
|
Албанија
Награди за новинарство за правата на децата
Центарот за заштита на правата на децата во Албанија - ЦРЦА организира церемонија каде им ја додели Наградата за новинарство за правата на децата во Албанија 2005 година на тројца новинари и го објави конкурсот за Наградата за новинарство за правата на децата во земјата во 2006 г.
Добитници на Наградата за новинарство за минатата година се: Холта Жити (ТВ Топ ченел), Арбен Мука (Радио Дојче веле) и Дениса Џога (Дневен весник „Телеграф”).
Целта на оваа награда е подигање на свеста на пишаните и електронските медиуми за подобро прикажување на прашањето на правата на децата, создавање поголем простор за нив во медиумите, како и зголемување на етиката на медиумите во прикажувањето на прашањето на децата.
Г.Ш. извор: oneworld
Хрватска
Етиката во високото образование
Студентите на Универзитетот во Загреб го покренаа проектот ЕВО (Етиката во високото образование), чија цел е борба и сузбивање на корупцијата и секаков друг облик на неправда што ги погодува поединците, организациите и институциите во Хрватска.
Проектот ги опфаќа студентите, професорите, но и сите други кои сакаат да помогнат во остварувањето на поправедно, поквалитетно и етичко општество. За подобра едукација и информирање на сите заинтересирани учесници во процесот на високото образование, во склоп на проектот ЕВО ќе се одржат низа предавања и јавни трибини на Универзитетот во Загреб, каде поединците ќе добијат прилика да продискутираат за актуелните проблеми, каде ќе се потрудат да ги одредат темелните проблеми.
Г.Ш. извор: oneworld
Босна и Херцеговина
Објавен список на политичките партии коишто ја потпишале Граѓанската платформа
На конференцијата за медиумите што ја организира граѓанското движење ГРОЗД беше објавен списокот на политичките партии коишто ја потпишале Изјавата за прифаќање на „Граѓанската платформа”, како и списокот на партии коишто не го направиле тоа.
Граѓанската платформа ја прифатиле 35 политички партии, меѓу кои и 10 партии што се во Парламентот. Со прифаќањето на Граѓанската платформа политичките партии се обврзале дека во нивните предизборни програми ќе понудат одговор на прашањата како планираат да ги решат 12-те барања на граѓаните и дека по изборите со своето дејствување во законодавството и во извршната власт приоритетно ќе работат на спроведувањето на 12-те цели на „Граѓанската платформа”.
Барањата ги усвоиле и поддржале над 400 претставници на невладини организации, пензионери, синдикати, здруженија на невработени, здруженија на млади, жени, земјоделски произведувачи, а својот потпис го ставиле и околу 400.000 граѓани на БиХ.
Босна и Херцеговина
Наградата за развој на волонтерството на Цвјетана Плавша-Матиќ
The South East Europian South Network – Мрежата на организации на млади од Југоисточна Европа, на 21 септември ги додели годишните награди за волонтерство. Регионалната награда за развој на волонтерството и беше доделена на директорката на Националната фондација за развој на цивилното општетство, Цвјетана Плавша-Матиќ.
Директорката на фондацијата Цвјетана Плавша-Матиќ за оваа награда беше номинирана од Волонтерскиот центар Загреб со образложение дека добитничката Плавша-Матиќ низ својата работа и институционално делување придонесе за развојот на волонтерсвото во Хрватска. Наградата и беше доделена на денот на волонтеризмот во Сарајево.
Г.Ш. извор: oneworld
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
