|
ONLINE VERSION |
|
|
PRINT VERSION |
|
ГраЃанска асоцијација МОСТ
Набљудувачи на редовни и вонредни избори
Граѓанската асоцијација МОСТ во текот на месец април повторно го сврте вниманието на јавноста кон своите активности учествувајќи во Кампањата за набљудување на вонредните претседателски избори 2004, којашто самата ја спроведе и ја реализира во четири сегменти: мотивација на граѓаните да ги проверат своите податоци во единствениот избирачки список, регрутација на волонтери, набљудувањето на кампањите на претседателските кандидати и нивните изборни штабови и набљудување на денот на изборите. За вонредните претседателски избори МОСТ активира 19 регионални канцеларии на територијата за целата држава, акредитира 3320 набљудувачи, кои во статични тимови беа распоредени на околу 60% од избирачките места, а другите избирачки места беа посетени од 40 мобилни тимови. Во текот на целиот изборен период известуваше за одѕивот на гласачите, а по завршувањето на гласањето, известуваше за процентот на освоени гласови на секој од кандидатите.
МОСТ е формирана во мај 2002 година од страна на претставници на 20 невладини организации. Нејзината мисија е да придонесе за развој на подемократска, постабилна и поперспективна Македонија, преку инволвирање на граѓаните во активности и проекти кои обезбедуваат транспарентност, отвореност и одговорност на владините, политичките и изборните органи кон вистинските потреби на граѓаните. Асоцијацијата досега учествуваше во домашното набљудување на парламентарните избори во 2002 година кога регрутира и обучи 3000 волонтери од различна етничка и национална припадност и распореди свои набљудувачи на 53% од изборните места. Во своите досегашни активности МОСТ ги вбројува издавањето на брошурата “Граѓански водич низ Собранието на Република. Македонија”, конференцијата “Зајакнување на соработката меѓу пратениците и НВО во Република Македонија” и проектот “Мобилен парламент”.
Во насока на постигнување на својата мисија, оваа асоцијација своите активности ги реализира во рамките на три програми: Едукација и вклучување на граѓаните во демократските процеси, Отворени институции и Одговорност и транспаренстност на процесите и нивните чинители. Програмите, како и сите други активности се спроведуваат со цел подигнување на јавната свест кај граѓаните за потребата од предностите од нивното вклучување во процесите на донесувањето одлуки, како рамноправни носители на демократијата.
Повеќе за активностите на Граѓанската асоцијација МОСТ на www.most.org.mk
К.Б
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
