|
ONLINE VERSION |
|
|
PRINT VERSION |
|
Суша со епски димензии во Австралија
Ситуацијата е мрачна
Австралија предупреди дека ќе мора да го прекине снабдувањето со вода на континентот, доколку епската суша не ја прекинат силни дождови – како предвесници на она што би можело да се нарече прва климатска промена, предизвикана катастрофа која ќе погоди една развиена нација.
Басенот Мјуреј–Дарлинг во југоисточна Австарлија носи 40 проценти од вкупното земјоделско производство. Но, двете реки кои го хранат регионот се толку жално плитки, што наскоро ќе имаат вода само за да ги задоволат потребите за пиење. Австралија е на прагот на својата најкатастрофална суша кога и да е, како жртва на климатските промени кои му се припишуваат на глобалното затоплување, но и на владата која допрва ја сфаќа сериозноста на ситуацијата.
Австралскиот премиер, Џон Хауард, кој е голем скептик во поглед на климатските промени, им наметна страшни ограничувања на земјоделците во земјата. Доколку не се појават силни врнежи во текот на наредните шест до осум недели, ќе се забрани наводнувањето на клучните земјоделски површини. Културите, како на пример оризот, памукот и виновата лоза ќе пропаднат, цитроните, маслинките и бадемовите дрва ќе изумрат, заедно со стоката. Забраната за наводнување, која би траела до мај, следната година, би можела да значи уништување на илјадници земјоделци, кои веќе се задолжени и очајни по шесте последователни години суша.
Обожавателите на австралискиот пејсаж честопати ја цитираат поетесата Доротеа Мекелар, која во 1904 година ги напиша познатите стихови: „Ја сакам земјата изгорена од сонцето, земјата на недогледни рамници”. Но, земјата која и беше инспирација на Мекелар сега е распукана и жедна, а нејзините реки се претворени во матни кафеави потоци; од пасиштата останале само прашливи површини; сточарите се принудени да ги продадат овците и кравите по смешно ниски цени, или пак да купат извонредно скапа храна за нив. Некои веќе се откажаа, напуштајќи ги имотите кои биле во сопственост на нивните семејства со генерации. Порасна стапката на самоубиства во руралните средини.
Господинот Хауард признава дека мерките се драстични. Тој рече дека продолжената суша е опасна како за земјоделците, така и за економијата во целост. По издавањето на новиот извештај за состојбата со Мјуреј и Дарлинг, г. Хауард рече: „Ситуацијата е мрачна и нема потреба да ги затвараме очите пред тој факт за Австралија. Сите мораме да се надеваме и да се молиме да падне дожд.”
Но, молитвите можеби нема да бидат доволни, а многумина се прашуваат зошто недостатокот на вода на најсувиот населен континент на земјата се решава дури сега со вакви драстични мерки.
Причините за сегашната суша, која започна уште во 2002 година, а најакутно се чувствува во последните шест месеци, се сложени. Како и да е, само неколкумина научници дискутираа за улогата на климатските промени, како фактор којшто ја прави Австралија се потопла и посува.
Екологистите посочуваат на зголемената зачестеност и интензитет на временскиот модел Ел-нињо кој ја предизвикува сушата, како последица на глобалното затоплување. Тие исто така ја споменуваат и улогата на Австралија во труењето на земјината атмосфера. Австралијците се едни од најголемите потрошувачи на енергија по глава на жител и едни од најголемите емитери на јаглерод диоксид. И покрај тоа, земјата е една од единствените две индустријализирани нации заедно со Соединетите Американски Држави, кои не сакаа да го ратификуваат протоколот од Кјото во 1997 година. Владите за таа одлука излегоа со аргументот дека тоа би им штетело на нивните економии.
Се до пред неколку месеци, г. Хауард и неговите министри ги омаловажуваа „клетниците” на климатските промени. Премиерот одби да да се сретне со Ал Гор, при неговата посета на Австралија за промоција на својот документарен филм, „Непријатна вистина”.
Како ОН ги предупредија Австралија и Нов Зеланд
Извадоците од извештајот на ОН за климатските промени укажуваат на заканата од глобалното затоплување за Австралија и за Нов Зеланд:
„Како резултат на намалениот број врнежи и зголеменото испарување, се планира проблемите со безбедноста на водата да се интензивираат до 2030 година на југот и на истокот од Австралија и во Нов Зеланд, во Нортланд и во Источните региони.”
„Значително намалување на биодиверзитетот се предвидува да се случи до 2020 година во некои еколошки богати зони во двете земји, вклучувајќи го „Греат Барриер Рееф” и тропскиот Квинсленд. Останатите ризични зони се влажните предели на Какаду и планинските области на двете земји.”
„Моменталниот развој на крајбрежјето и порастот на населението во областите како што се Карнс (Цаирнс) и југоисточен Квинсленд (Австралија) и Нортленд до Беј оф пленти (Нов Зеланд) се предвидува да го зголемат ризикот од пораст на нивото на морето и да ја зголемата сериозноста и зачестеноста на бурите и поплавите на крајбрежјето до 2050 година.”
„Земјоделското и шумарското производство се предвидува да се намали значително во јужна и источна Австралија, како и во делови на источен Нов Зеланд до 2030 година, поради зголемената суша и пожари.”
„Регионот поседува доволен адаптибилен капацитет кој се должи на развиената економија и научните и технички способности, но сепак, постојат значителни ограничувања за неговата примена... Природните системи имаат ограничен адаптибилен капацитет.”
(Извадок од текстот на Кети Маркс, Сиднеј 20 април 2007)
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
