Едукација
ОБУКА ЗА РАБОТА СО КОМПЈУТЕРИ

ДАЈТЕ НИ ШАНСА

Граѓанскиот комитет за развој од Пробиштип спроведе обука за работа со компјутери (Windows, Word, Exel) за младите во селските населби во општината Пробиштип. Обуката е спроведена во десетина села. Како што ни рече Љупчо Ѓорѓиевски од Граѓанскиот комитет за развој, до крајот на октомври завршена е обуката во селата. 
Добрево, Плешенци, Горни Стубол, Долни Стубол и Кундино, а во текот на ноември наставата се изведувала во селото Пишица.
“Наставата ја изведуваа членови на Граѓанскиот комитет за развој”, ни рече Ѓорѓиевски. “Тие имаат добри познавања од областа на информатиката, односно предвидените теми во проектот. Наставата се изведува во подрачните училишта и  објекти на месните заедници”, додаде тој.
Граѓанскиот комитет за развој во текот на декември ќе ги опфати и другите поголеми села во општината.
Досегашните искуства покажуваат огромен интерес за обуката. “Единствена потешкотија во реализацијата на проектот”, вели Ѓорѓиевски,  “е што наставата се изведува само со еден компјутер”.
Финансиската поддшка за проектот во висина од 4.235 американски долари ја обезбеди Фондацијата Институт отворено општество Македонија.