|
ONLINE VERSION |
|
|
PRINT VERSION |
|
Нов бесплатен СОС-телефон за деца и млади на Меѓаши
Свртете на 0800 1 2222 за совети против насилството врз децата
Од 2 јуни па до крајот на годинава, секој работен ден од 8:30 до 20:30 часот, за секаков вид насилство врз децата и младите, можете да свртите на новиот бесплатен СОС-телефонски број на Првата детска амбасада во светот (ПДАС) “Меѓаши” – 0800 1 2222, што го овозможи А.Д. – Македонски телекомуникации. Тоа што е различно од досегашното 12-годишно постоење на СОС-телефонот, покрај новиот број, е и домашната донација, за разлика од претходно кога линијата беше претежно финансирана од странски донации.
Извршниот директор на ПДАС Меѓаши, Драги Змијанац, по овој повод изјави: „Денеска, на 12-годишнината од отворањето на првиот СОС-телефон за деца и млади, чест ни е да го презентираме и новиот бесплатен број на СОС-телефонот 0800 1 2222, но и отворањето психолошко советувалиште за деца и млади, промоција на брошура по повод 12-годишнината на СОС-телефонот, како и на 12-минутен спот за промоција на новата СОС- телефонска линија”.
„Македонски телекомуникации, како општествено одговорна компанија, ја презеде одговорноста до крајот на годината да обезбеди бесплатно функционирање на СОС-телефонскта линија за деца и млади. Со тоа, таа дава скромен придонес кон заштитата на децата во Македонија”, потенцира Славе Младеновски, менаџер за односи со јавноста на А.Д. – Македонски телекомуникации.
Кристина Дикенсон, долгогодишен активист во граѓанскиот сектор, на свеченоста подвлече: „Помошта од Македонски телекомуникации не е мала. Од мали нешта се прават големи работи. И, понатаму, многу е лесно да се работи со луѓе посветени на заштитата на децата и полни со љубов кон нив, како што се луѓето од Меѓаши”.
За 12-годишната работа на СОС-телефонот за деца и млади кратко се осврна координаторката Маја Корубин: „Од повеќегодишното искуство, можам да кажам дека најголем дел од јавувањата на СОС-телефонот, околу 20%, се однесуваат на насилството врз децата, но често се пријавуваат и љубовни проблеми, проблеми во училиштето и во семејството итн. А, иницијативата за отворање психолошко советувалиште за деца и млади е токму од самите деца, кои се изјаснија за тоа на анкетитите на оваа тема што ги спроведе Меѓаши во неколку училишта во Македонија”. Д.М.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
