|
ONLINE VERSION |
|
|
PRINT VERSION |
|
Форум на ГПМ
Бадинтерово мнозинство - примена на локално и централно ниво
Тематскиот форум на Граѓанската платформа на Македонија (ГПМ), со тема „Бадинтерово мнозинство - примена на локално и централно ниво”, се одржа на 5 април 2007 година во Клубот на пратениците во Скопје. Организатор беше Асоцијацијата за демократски иницијативи од Гостивар, а темата предизвика интерес кај претставниците од граѓанските организации, но и од медиумите.
На Форумот присуствуваше Бесим Догани, потпретседател на Собранието на РМ, кој во своето излагање укажа на податокот дека досега во Собранието се донесени 40 закони со Бадинтеровото мнозинство, но сепак с$ уште има ситуации на дневно-политички манипулации со двојното мнозинство. Проф. Елена Андреевска нагласи дека нема прецизни стандарди на кој начин би се спроведувало двојното мнозинство и дека секоја држава треба да го имплементира. Секоја држава треба да обезбеди неопходни услови за ефективно учество на заедниците кои припаѓаат на националните малцинства во однос на прифаќањето на прашањата кои се однесуваат на нивниот културен, социјален и економски живот.
Врз основа на впечатоците како се спроведува двојното мнозинство на локално ниво, Сашо Клековски, извршен директор на МЦМС, проблемите со примената на Бадинтеровиот принцип ги подели во три групи: неусогласеност на целиот концепт на национално и на локално ниво, проблем лоциран во образованието; отсуството на капацитети на локално ниво, во општини каде најголем дел од советниците и општинските власти не знаат за што точно треба да одлучуваат и како треба да се одлучува и проблеми на помалубројните малцинства кои најчесто немаат советници во системот на одлучувањето и зависат од добрата волја на поголемите етнички заедници.
Општи заклучоци од тематскиот форум се дека Бадинтеровиот принцип с$ помалку ќе се употребува на национално ниво, а с$ почесто на локално ниво, дека досега премногу внимание се посветуваше на формата, а се избегнуваше суштината и дека таквата состојба треба да се надмине со зајакнување на капацитетите на Министерството за локална самоуправа кое треба да биде во состојба да помогне, а не само да ги надгледува процесите на локално ниво.
Т.Д.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
