|
ONLINE VERSION |
|
|
PRINT VERSION |
|
Прва детска амбасада во светот - МЕЃАШИ
15 години за заштита на детските права
П рвата детска амбасада во светот „Меѓаши” слави 15 години од своето основање и работење. Основана е на 29 април 1992 година во Скопје, како светска асоцијација и прва регистрирана меѓународна, непрофитна, непартиска и невладина организација во Република Македонија за заштита на правата на детето во периодот на транзиција. Во својата работа, „Меѓаши” го промовира почитувањето на детската личност, заштитата на нивните права и застапувањето на детските интереси. Со своите активности, организацијата значително придонесе за развивањето и јакнењето на свеста за детските права во македонското општество. Особено, како што велат во „Меѓаши”, се задоволни што се урна митот и молкот за детските страдања, особено за физичката, сексуалната и економската злоупотреба на децата. Оваа организација пред очите на јавноста изнесе навистина потресни приказни за злоупотреби и се ангажира за воспоставување поефикасни механизми за заштита на децата.Во своите 15 години остварување на мисијата, „Меѓаши” работеше на прифаќање на бегалците од војната во Босна и Херцеговина, кога им помогна на 60.000 деца бегалци. Таа го отвори првиот дежурен СОС-телефон за деца и млади и психолошко советувалиште во Република Македонија; активно лобираше за донесување на Хашката конвенција за граѓанско-правните аспекти на меѓународни грабнувања на деца (донесена е во 1995 година), и водеше кампања за ратификација на Конвенцијата 182 и Препораката 190 за итно елиминирање на најлошите форми на детски труд (ратификувани се во 2002 г.), за воспоставување на Детскиот омбудсман (ова е остварено во 1999 г.), им даде поддшка на децата-бегалци и нивните семејства од Косово. Во 2006 година го отвори Прифатилиште за деца во кризна состојба, во кое се згрижени 16 раселени лица од Арачиново, од кои осум се деца – три од нив се родија во прифатилиштето. Сите овие, како и повеќе други активности, беа причина во 2001 година, „Меѓаши” да ја добие Наградата за граѓанско општество и демократија, за долгогодишен придонес во изградбата на граѓанското општество во Република Македонија, од страна на Македонскиот центар за меѓународна соработка.
М.И.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
