ИСТОРИЈА НА ЃРАЃАНСКОТО ОПШТЕСТВО: ПЕТТИ ЈУНИ

Светски ден на животната средина и роденден на УНЕП

Светскиот ден посветен на животната сре­дина - 5. Јуни, беше прогласен со Резолуција на Генералното Собрание на Организацијата на обединетите нации, во 1997 година, одбележувајќи ја познатата Стокхолмска кон­фе­ренција за животната средина. Со уште една резолуција, донесена истиот ден, Генералното Собрание на ООН ја основаше УНЕП - Програмата за животна средина на ООН.

Овој датум, значи, претставува не само Ден посветен на животната средина, туку и роденден на една од нај­активните програми на ООН. На овој ден, владите на многу држави, а уште повеќе здруженијата на граѓани, ја изра­зуваат својата грижа за еко­лошките проблеми и за загро­зеноста на животната средина на нашиот глобален дом. Тоа е еден од датумите кои имаат најмасовна граѓанска акција. Граѓаните и нивните здру­женија го одбележуваат на нај­различни начини - со про­тести, трибини, манифестации, садење дрвца, велосипедски трки, улични театри, пишувајќи писма и петиции до владите И до редакциите…

Овој ден се прославува секоја година, секогаш со различно мото. Годинава, Светскиот ден на животната средина беше посветен на водата, и се од­виваше под мотото: “ВОДА: две милијарди умираат за неа”.

Во рубриката “историјат на граѓанското општество” претставуваме настани, иницијативи, програми и поголеми проекти - “меѓници” на граѓанското движење, кои се случиле во тековниот месец, но во изминатите години, не само во Македонија, туку и во светот. Ве повикуваме да испраќате информации за таквите случувања, на нашата адреса: МЦМС, “Никола Парапунов” бб, 1000 Скопје, или на електронската адреса: mcms@mcms.org.mk - во обата случаја, со назнака “За граѓански свет”.