|
ONLINE VERSION |
|
|
PRINT VERSION |
|
Прва детска амбасада во светот - Меѓаши
Неформално образование низ детски работилници
Почнувајќи од октомври оваа година, Првата детска амбасада во светот - Меѓаши ќе спроведува активности за неформално образование низ детски работилници за компјутери, за англиски јазик, за едукација за човекови вредности, за театар, за литература, за астрономија, за екологија, работилница за ликовна уметност и за оригами. Работилниците претставуваат можност децата од различна етничка припадност и низок економски статус заеднички да се дружат преку позитивни и корисни алтернативи на користење на слободното време. Преку нив, на децата им се овозможуваат различни активности според нивните интереси и со употреба на соодветни прирачни средства да ја развијат креативноста и фантазијата. Работилниците ќе бидат отворени еднаш неделно од 16 до 20:30 часот. Групите се состојат од деца на возраст од 4 до 14 години.
Учеството во работилниците е без надомест , а истите се наменети само за децата членови на Меѓаши, каде членарината чини 300 денари годишно. Децата чии родители се социјални случаи, децата без родители и децата бегалци се ослободени од плаќање. Уписот трае до 3 октомври. Г.Ш.
Втор детски конгрес против злоупотреба на детскиот труд и едукација
Од 4 до 8 септември, во Њу Делхи, Индија, Првата детска амбасада во светот - Меѓаши, како национален координатор на Глобалниот марш против детскиот труд, учествуваше на Вториот светски детски конгрес против злоупотреба на детскиот труд и за едукација. На конгресот учествуваа Емилија Милевска, асистент на програма и Ивана Стојановска (14 години), дете делегат, претставници на Детската амбасада Меѓаши.
На конгресот присуствувале повеќе од 200 деца од 30 земји од целиот свет, кои зборувале за искуствата со злоупотреба во фабрики, во рудници, во порнографија, проституција и тероризам, за лошите искуства на нивните врсници, како и за огромнота желба да им се помогне и да се најде решение за овој растечки проблем. На конгресот присуствувале и претставници од агенции на Обединетите нации, владата и граѓанското општество во Њу Делхи, кои ветиле дека во иднина ќе се залагаат за елиминирање на каков било облик на детска злоупотреба. Претставниците на Меѓаши информирале за состојбата во Македонија и добиле поддршка за активностите коишто ги презема амабасадата против детската злоупотреба, како и понатамошна соработка со другите членки на оваа светска организација. Г.Ш.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
