ДОНАТОРИ
    
 

НОРВЕШКА АМБАСАДА
Човекови права, градење инфраструктура, заштита од СИДА...

Норвешката амбасада во Македонија беше отворена во Скопје пролетта 1999 година. Во неа се вработени двајца норвешки дипломати и четворица македонски граѓани. Норвешката помош за република Македонија се состоеше од околу 130 милиони денари, од кои 1,39 милиони американски долари за Централниот депозитар на хартии од вредност како грант, додека околу 1,34 милион долари беа дадени во вид на кредит.

Во 2001 година, Норвешката помош изнесуваше околу 154 македонски денари, главно за инфраструктурни проекти, како на пример Југо-Источниот Европски Универзитет во Тетово, кој прими поддршка од еден милион евра. Норвешка, исто така нудеше и финансиска помош за мерките за градење на доверба, во контекст на постојната кризна состојба во Македонија. Останатата поддршка одеше главно на помали проекти канализирани преку Норвешки организации и институции. Одредени фондови исто така беа канализирани преку Норвешкиот КФОР контингент во Македонија и преку фондот за мали проекти.
Критериумот за фондот за мали проекти е дека поддржаните проекти треба да придонесат за помирувањето и соработката, развојот на правната држава и во основа треба да ги поддржуваат принципите за асистенција од меѓународната заедница во регионот.
Амбасадата ја нагласува географската дистрибуција, што значи распространетост на проектите низ целата држава. Исто така, се нагласува и потребата од подеднаква дистрибуција меѓу различните етнички групи. Исто така, посебен интерес за помош постои и за организациите на послабите групи. Амбасадата посебно поддржува проекти од областа на превенција на СИДА и на човековите права, други активности поврзани со човековите права, активности насочени против трговијата со жени, вклучување на жените во политиката и локалната власт. Исто како и помалите инфраструктурни проекти, се поддржуваат и проекти за семинари и активности за дијалог. Што се однесува до активности и проекти за дијалог, се дава приоритет на проектите кои ги спојуваат и приближуваат луѓето од различни етнички групи. Амбасадата соработува со приватни организации и со централните и локалните власти во врска со проектите од фондот за мали проекти. За 2001 година, целата расположива сума за вакви проекти е веќе потрошена. Амбасадата се надева дека ќе прими сличен фонд од Министерството за надворешни работи на Норвешка и за наредната година.