|
ONLINE VERSION |
|
|
PRINT VERSION |
|
Флорозон
Работа на спроведување на Архуската конвенција
Граѓанската организација Флорозон, која работи на заштитата на природната средина и одржливиот економски развој, својата мисија ја фокусира на унапредување на човековата средина и правата за животната средина и обезбедување развој во општеството за подобар квалитет на животот и за безбедна средина.
Во нејзините цели е вброено: решавање на проблеми со животната средина и обезбедување одржлив развој на општеството преку примена на правото; соединување на фундаменталните принципи на екологијата и правдата преку меѓународното право; силен национален правен систем за животна средина; едукација и обука на одредени целни групи за животната средина, како и нудењ бесплатна правна помош во поглед на нејзината заштита. Своите проекти Флорозон ги реализира на локално и на национално ниво.Во рамките на организацијата функционира правна канцеларија за спроведување на Архуската конвенција, која нуди помош при барање информации за изворите на информирање за состојбата со животната средина, за начинот на вклучување во процесот на донесување одлуки, за прашања поврзани со животната средина, како и бесплатни правни совети и бесплатно судско застапување, при нарушено право на здрава животна средина.
„Преку Правната канцеларија за спроведување на Архуската конвенција, започнавме со едукација на целокупната јавност и на локалната власт, едукација на судовите за запознавање со конвенцијата и нејзина примена во неколку градови во Р. Македонија. Истакнуваме дека владата, локалните власти, граѓанските организации, треба да играат важна улога при примена на оваа конвенција. Освен тоа, нашата организација пристапи кон градење на капацитетите во правосудниот систем за практична примена на Архуската конвенција - Право на пристап до правдата, а за тој проект добивме посебна дозвола и поддршка од Министерството за правда. Корист од одржаниот семинар имаа сите претставници од 25 судови во земјава. Семинарот беше реализиран со експертски тим од ЕМЛА (Енвиронмент Мнагамент анд Лањ Ассоциатион) од Унгарија, предводен од д-р Сандор Фулоп. Во моментот е во тек изработка и прирачник за Правото на пристап до правдата, кој ќе биде дистрибуиран до сите судови, граѓански организации, Министерството за правда и Министерството за животна средина и Канцеларијата на Народниот правобранител. Целокупната програмата за спроведување на Архуската конвенција од март 2005 г. е поддржана од ДЕФРА (Департмент фор Енвиронмент Фоод анд Рурал Аффаирс) и од Британската амбасада во Скопје” - изјави раководителот на организацијата, Кирил Ристовски.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
