|
ONLINE VERSION |
|
|
PRINT VERSION |
|
“Меѓаши” повика на образование за сите деца
Образование за сите!
Ланец, формиран од петстотини пара детски раце, на плоштадот „Македонија” во Скопје беше обединет во една, гласно изговорена мисла - „Образование за сите!” Под овој слоган, организирани од Првата детска амбасада „Меѓаши”, на 27 април, децата ги повикаа своите 18.000 другарчиња од Македонија и 80 милиони од светот да им се придружат во учењето и заедно со нив да седнат во училишните клупи.
Со транспаренти во рацете, испишани со најразлични содржини, тие гласно бараа образование. „Сакам да бидам докторка”, „Над 1.500 хендикепирани деца се надвор од училиштата”, „И јас сакам да учам”, беа само дел паролите со кои на плоштадот го пречекаа премиерот Никола Груевски, кој во знак на поддршка на кампањата, во отворената книгата напиша: „Знаењето е навистина сила, тоа е богатство што никој никогаш не може да ви го одземе”. Премиерот посочи дека 50% од населението во Македонија има само основно образование, што се смета за поразителен податок за земјава. Затоа, како што истакна тој, во земјава ќе има бесплатно образование, но и парични казни за родителите кои нема да ги пуштаат своите деца на училиште. „Сакаме да изградиме стотина училишта и 180 спортски сали, што досега не се случило. Се ангажираме за поголем квалитет во образованието со нови наставни содржини, воведуваме англиски јазик од прво одделение и компјутер за секој ученик. Воведуваме и задолжително средно училиште”, рече Груевски.
Активностите од оваа кампања се одвиваа во рамките на глобалната недела за вклучување на децата во образованието што се реализира во 100 земји во светот, со цел да ги алармира светските влади за состојбата со исклученоста на децата во системот на образованието.
Акцијата во Скопје ја поддржаа повеќе јавни личности, МВР, Глобален марш против детскиот труд (Глобал Марцх Агаинст Цхлид Лабоур) и Космофон, како повеќе домашни граѓански организациии, општини и училишта.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
