Музеј на Македонија Културното наследство, децата и водата Музејот на Македонија го спроведе проектот „Вклучување на ромското малцинство во едукативните активности на му­зеите”, со тема „Поврзаноста на културното наследство со водата”. Во проектот се вклучија 20 деца на возраст од 12 до 15 години од скопското основно училиште „Јане Сандански”, кои учествуваа во неколку работилници одржани во Музејот. Тие проследија интерактивни предавања за водата во античките населби, аквадуктите и римските терми, за тврдините и водата, за старите мостови и амами и за водата во руралните средини, чеш­ми­те и бунарите. По секое предавање, децата беа поттикнати да извршат креативна репродукција на избраниот спо­ме­ник. Нивните дела беа изложени во Музејот на Македо­ни­ја, а изложбата беше свечено отворена на 21 декември 2005 година. Проектот беше поддржан од Фондацијата Институт отворено општество – Македонија, во рамките на актив­нос­тите чија цел е да придонесат за развој на нова музејска публика и за вклучување на музејските институ­ции во со­времените текови.