СРБИЈА И ЦРНА ГОРА

Без права за здравствена заштита

Повеќето ромски семејства во Србија живеат во диви населби, во услови без електрична енергија, вода, греење и бања. Во 102 белградски нехигиенски населби (593 во цела Србија), живеат 60.000 Роми. Граѓанската органи­за­ци­ја Центар за правата на малцинствата побара од Владата на Србија на Ромите кои живеат во дивите населби да им овоз­можи да ги пријават престојувалиштата за да можат да го остварат правото на здравствена заштита.

Во најзагрозена положба се наоѓаат децата и бремените же­ни без пријавено место на престојување, иако според важечкиот Закон за здравствена заштита и нацртот на новиот закон, тие спаѓаат во посебна категорија жители кои го остваруваат правото на здравствена заштита и кога не се здравствено осигурани.

Г.Ш.