ЦЕНТАР СИМОН ВИЗЕНТАЛ

Да не се рехабилитираат нацистите

Центарот Симон Визентал со седиште во Виена предупредува на растечкиот анти­семитизам и на другите видови нацизам во Европа. Центарот, именуван по познатиот борец за правата на жртвите на холокаустот, чии последици најдиректно ги почувствувал и самиот, апелира Европа да не дозволи на нејзините простори повторно да се појави ова зло.

Центарот, исто така, прави конкретни чекори за спречување на рехабилитација на нацис­тите од Втората светска војна. Неодамна, остро ја критикуваше владата на Романија, барајќи Врховниот суд на оваа држава да ја повлече одлуката за рехабилитација на нацистите и криминалците од Втората светска војна, Раду Динулеску и Георге Петреску. Центарот смета дека одлука за ваква рехабилитација може да донесе само Европскиот суд за човекови права.
 

М.И.