Подготовки за следниот Форум на граѓанското општество  Шестиот НВО Саем ќе се одржи во 2007 година Македонскиот центар за меѓу­народна соработка (МЦМС) и Комитетот на Граѓанската платформа на Македонија информираат дека следниот 6 НВО Саем – Форум на гра­ѓанското општество ќе се одржи во текот на 2007 г. „По 5-годишно редовно одржу­вање, земајќи ги предвид на­оди­те и препораките од оценката на 5 НВО Саем – Форум на граѓанското општество и низата консултативни состаноци направена е проценка дека има потреба од промена на концептот на настанот и потреба од нов пристап кон финансирањето заради промените во контекстот. За таа цел, МЦМС заедно со заинтересираните членки на Граѓанската платформа на Македонија и други заинтересирани актери, до крајот на 2006 ќе работи на промена на концептот на НВО Саемот и на дизајнирање одржлива стратегија за негово финансирање. До одржувањето на следниот 6 НВО Саем - Форум на граѓанското општество во Македонија, преку Програмата на Граѓанската платформа на Македонија, ќе бидат обезбедени можности за претставување на граѓанските организации на јавноста и можности за форумска расправа низ други форми: публикации, регионални саеми, работилници, тематски форуми, обуки и други средби”  - стои во обраќањето до јавноста. Г.Ш.