Протестно писмо до спикерот Јордановски

Екомисија го бара законот против пушење

Еколошкото друштво Екомисија, по повод Денот против пу­шењето 31 мај и одложувањето на примената на за­ко­нот против пушењето, упати протест до претседателот на Собранието Љупчо Јордановски. Во протестот од спи­ке­рот Јордановски се бара итно влегување во сила и примена на Законот кој иако е донесен веќе десетина години, воопшто не се почитува. Во Екомисија по­тен­ци­ра­ат дека протестното писмо заради одложувањето на примената на законот ќе го испратат до сите релевантни институции, а истовремено ги повикуваат сите еколошки граѓански организации и граѓани да упатат писма со слич­на содржина до македонскиот законодавен дом. Ак­цијата против пушењето, според Екомисија, ќе продолжи со разгледување на законот кој има многу пропусти кои ќе ја отежнат неговата примена. Најавуваат дека за сите правни несогласувања ќе лобираат кај надлежните да се изгласаат амандмани со кои докрај ќе се заштитат животната средина и правата на непушачите.         С.Н.