ИНСТАТ и УНИЦЕФ предупредуваат

Злоупотреба на детскиот труд во Албанија

По повод 12 јуни, Светскиот ден против злоупотреба на дет­ски­от труд, ИНСТА (Институтот за статистика на Албанија) и УНИЦЕФ алармираат за  злоупотреба на детскиот труд во Алба­нија.  Тие потенцираат дека  и донесувањето на новиот За­кон за труд според кој најниската возрасна граница за вработување изнесува 16 години, што би значело и дека децата на возраст од 13 до 18 години би се вработувале на најразлични позиции. Законот исто така предлага посебна заштита за вработените деца. Студијата проценува дека во Албанија работат околу 30 проценти од децата на возраст до 18 години, а бројката е највисока во руралните области каде децата најчесто се занимаваат со земјоделски дејности. Извештајот што го изготви УНИЦЕФ покажува дека зборот “дете” веќе подолго време не е во употреба во голем дел од албанските семејства. Штом детето наврши 14 години (ова особено се однесува на момчињата), самото семејство се обидува да да најде начин да го испрати да работи во странство. Но, исто така и во оваа категорија, децата не се заштитени и се загрозени на најразлични начини, ранливи во многу погледи.
Анализата извршена од страна на Центарот за човекови права на децата од Албанија преку прашалник во кој се бараат причините зошто децата го напуштаат училиштето, покажува дека една четвртина (25%) од децата го напуштаат училиштето за да работат. Според некои проценки, околу 50.000 деца во Албанија на возраст под 18 години, се вработени, или со скратено, или со полно работн време.   www.oneworld.net 
 

Србија и Црна Гора

Стипендии за Ромите во Црна Гора

Фондацијата “Roma Scholarship” е основана во Црна Гора со цел да ја поддржи интеграцијата на ромското население преку обра­зо­вание, во рамките на проектот “Развивање на лидерските потенцијали на Ромите во Црна Гора”, имплементиран од страна на Канцеларијата на ОБСЕ во Подгорица, а финансиски под­др­жан од Амбасадата на Холандија. Целта на Фондацијата е да ја поддржи интеграцијата на ромското население преку процесот на образование, како и со обезбедување пристап до неопходните средства за започнување или продолжување на формално­то, но и неформалното образование, доколку тоа би помогнало во понатамошната интеграција во формалните области. Во моментов, Фондацијата обезбедува стипендии за шест ученици Роми за Филозофското училиште во Никшиќ, катедра за предучи­ли­шно образование, како и за седум студенти од школата за новнарство кои во моментот се вклучени во подготвителната нас­тава организирана од страна на Канцеларијата на ОБСЕ. Предавањата се одржуваат во просториите на фондацијата, која  обезбедува и стипенди за 30 средношколци во Црна Гора. За повеќе информации, посетете ја веб-страницата на Фондацијата или пишете им на fsr@cg.yu. 

 

Косово

Албанско-српски форум за размена на информации

Почнувајќи на 9 јуни,  целокупната јавност, како и луѓето кои се заинтересирани за размена на информации поме­ѓу Србите и Албанците ќе можат тоа да го сторат преку албанско-српскиот форум за размена на информации на www.kosovakosovo.com. Форумот е отворен во соработка со три организации: Медија центар на Агенцијата Бета од Белград, Косовската новинска агенција “KosovaLive” од Приштина и Центарот за демократија и помирување на Југоисточна Европа – ЦДРСЕЕ од Солун.
Овој форум доби поддршка и од Високиот претставник на ЕУ за ЦФСП, Хавиер Солана, како и од д-р Ерхард Бусек, специјален координатор на Пактот за Стабилност за Југо­ис­точна Европа и од шефот на Мисијата на Обединетите на­ции за Косово, Сорен Јесен Петерсен.
Форум е изготвен како платформа за отворање дискусии по главните теми поврзани со Косовското прашање, меѓу кои исто така има и политички прашања. Првата тема за дис­кусија ќе биде прашањето за исчезнатите лица. Сого­вор­ници во овој виртуелен дијалог ќе бидат шефовите на делегациите на работните групи за исчезнати ли­ца од Приштина и Белград, Рагип Зеколи и Вељко Ода­ло­­виќ.
Поширока и долгорочна цел на овој проект е проши­ру­вање и зајакнување на заедничкиот интерес на српските и на албанските медиуми и новинари, како и самите општества пошироко.