СОЖМ

Десет години растеж

Сојузот на организациите на жените на Македонија прославува 10 години од своето основање. Прославата е збогатена со изложба на фотографии, документарен филм за СОЖМ и посебна едиција – брошура посветена на овој голем јубилеј.

Жените членки во оваа најголема женска мрежа во Македонија велат дека се среќни и горди што сите овие години успеале да ги остварат своите цели – еманципација и едукација на жената, застапување на рамноправноста меѓу половите и на феминизмот како филозофија, поли­тич­ко јакнење на жената, ширење на соработката, довербата, мирот, химаноста, развивање на демократските процеси. Како иницијатива на СОЖМ, се отворија првите СОС-телефони за жени и деца жртви на насилство, првиот Деку­мен­тацис­ки центар за женски прашања, пр­вите Женски студии во Македонија...

СОЖМ е специфична по тоа што про­мовираше и спроведе посебен модел на вмрежување, при што членките – организациите на жени – работат самостојно, но сите ја делат визијата и мисијата на СОЖМ. Мрежата стартуваше како иницијатива на 13 женски здруженија, а денес во неа членуваат 70 од цела Македонија.

Во Скопје, како составен дел од СОЖМ делува Канцеларија за поддршка, која дистрибуира информации и остварува врски и контакти во мрежата, а слична улога имаат и трите регионални канцеларии во Ку­мано­во, Ве­лес и Кри­­­вогаштани.

Сла­вејќи го сво­­јот голем ју­­­би­леј, жените најавуваат ин­­­сти­ту­­­цио­нал­­­­ни про­­­ме­ни и уш­те по­ве­ќе ак­тив­нос­ти и про­е­к­ти.

М.И.