ЦЕНТАР ЗА СОВРЕМЕНИ УМЕТНОСТИ
Реканскиот крај на веб-страница
Центарот за современи уметности (ЦСУ) изготви веб-страница на која се претставени традиционалните, културните, природните и економските потенцијали на реканскиот регион. На www.reka.org.mk се претставени текстови, фотографии и 500 секунди традиционална музика од овој крај. Веб-страницата е дел од проектот „Мали традиции – големи вредности” на ЦСУ, поддржан од Амбасадата на Кралството Холандија и од Фондацијата е-Македонија. Во изготвувањето на веб-страницата логистичка поддршка обезбеди здружението Рекански бисер од Ростуше.
|
ЕКО-СВЕСТ
Веб-страница за активностите
На веб-страницата www.ekosvest.com.mk на скопското здружение за заштита на животната средина, Еко-свест, може да се најдат информации за активностите на ова здружение. Оттаму може да се симне и неодамна објавената публикација “Оцена на влијанието врз животната средина - до каде сме?”, која бесплатно може да се подигне и во просториите на Здружението и во Канцеларијата за комуникација со јавноста на Министерството за животна средина и просторно планирање.
|
Нов стрип-магазин
Креатор
Стрип-центарот на Македонија со седиште во Велес го издаде првиот број на стрип-магазинот Креатор, отпечатен со помош на Министерството за култура и на ФИООМ. Според најавите, Креатор треба да излегува два пати годишно, а во првиот број учествуваат автори од Македонија и од Србија.
|
|